Chhiarpui hlau chhungkua 1,255 la awm

13/07/2010 17:46

Mizorama chhiarpui leh sakawlh number sawi zawm avanga chhiarpui leh National Polulatiuon Registration-a inziak lut duh lo chhungkaw 1,355 an la awm.

Chhiarpuia inziak lut duh lote thil awmzia hrilhfiahna atana hun pawhsei chu July 15, Ningani khian a tawp tawh dawn a; thil hrilhfiahna atana hun pawhsei hi tangkai taka hman a nih theih nan district tina DC, Principal Census Officer ni bawkte chuan kohhran leh tlawmngai pawlte nen thil hrilhfiah hna an thawk zui zel a ni.

District hrang hranga chhiarpui hlau pawl chhungkaw la awm zat hi - Aizawl district-ah chhungkua 449, Lungleiah 106, Kolasib-ah 328, Lawngtlaiah 175, Serchhipah 50, Champhaiah 167, Saiha-ah 64 leh Mamit district-ah chhungkaw 18 an ni.

Chhiarpui chungchang leh a hlauhawm loh dante hrilhfiah an nih hnu hian a tira inziak lut duh lo zinga chhungkaw eng emaw zat chuan chhiarpui hmasa lama an thil hrilh chin ang chu hrilh an hnial lo niin an sawi a; hetih lai hian, NPR leh UID inzawm atana an chanchin kimchang pek erawh chu sakawlh number nen a inzawma ngaiin, an thei lo niin an sawi.

Census Operations hotute chuan, July 15 ral hnuah chuan khaw hrang hrang tlawha mihring leh an dinhmun lâkna khar a ni tawh dawn tih an sawi a; July 16 - 21 chhungin an thil lâkkhawmte chinfel a ni ang a, chumi hnuah DC tinte chuan Guwahati-a Data Centre-ah an thawn tawh dawn a ni.

Data Centre atang hian kum 2011 chhiarpuia thil tihfel tur hmasate tihfel a ni ang a, nakkum February 9 leh March 5 inkarah ennawn leh a ni ang a, tihdik ngaite tidik a, nau piang tharte an lâk khawm bakah, mitthi hmingte an paih bawk ang a, chumi hnuah kum 2011 chhiarpui chu zawh fel a ni tawh dawn a ni.

Thulakna: Vanglaini

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E