Chawlh Hahdam Hun Awm Lohna - America

25/05/2011 23:22

A ruh langin sawi dawt mai ila, chawlh (vacation) ngaina leh thlahlel mi tak i nih chuan America chu i tan ram nuam a ni dawn lo chiang.

Chawhrualin America-a hnathawktu 74%-in hlawh dawng thova chawlh theih hun (paid vacation) an nei a, nimahsela, an chawlh theih hun a tlem hle. A tlangpuii, America-a hnathawktu chuan kum khat a thawhin, kum khatah ni 10 chawlh a la thei. Kum 5 a thawh hnuin, kum khatah ni 15 chawlh a la thei. Kum 20 a thawhin, ni 20 chawlh a la thei. (Heta ‘chawlh’ kan tih hian chawlhkar khata Inrinni emaw, Chawlhni emaw chawlh zawk ang hi a kawk lo. Hnathawktuin kum khata a hlawm emaw, ni khat te te emawa chawlh a lak theih hun hlu leh zalen a kawk.)

Human resources consulting company Mercer-in a zirchianna a tarlan danin:-

*Germany-ah chuan hnathawktu-in kum khatah chawlhkar 4-6 chawlh a la thei.

*Australia, Slovenia leh Japan-ah chuan hnathawktu-in kum khatah chawlhkar 4 chawlh a la thei.

*Finland, Brazil leh France-ah chuan hnathawktu-in kum khatah chawlhkar 6 chhung chawlh a la thei.

Center for Economic and Policy Research, a liberal policy group thuchhuah "No-Vacation Nation(Chawlh Awm Lohna Ram)"-a an tarlan danin, khawvel ram changkang zingah America chauh hi hnathawktute chawlh hahdamna hun hlu danin a pek loh leh humhalh lohna ram a ni.

America-a hnathawktute tan chuan hlawh dawng thova a hlawma chawlh lak thei hun a tlem em avangin, hmun hlaa zina intihhlim hun an nei tlem em em a ni.

America rama company tam tak chuan hlawh pek tho – a hlawma chawlh lak theih hun pek tam tiamin hnathawktute an hip mek. Nimahsela, hnathawktute a hlawma chawlh lak theih hun hlu leh zalen, America ram danin mumal takin a bithliah lo.

Journal of Happiness Studies-in a tarlan danin, hnathawh tamin European aiin American-ho a tihlim zawk. University of Texas at Dallas assistant professor Adam Okulicz-Kozaryn chuan American-ho chuan hnathawh tam hi hlawhtlinna bul a ni, nia an ngaih tlat vang a nih thu a ziak.

Sawiseltute chuan America chu ram zalen leh ram changkang pakhat a ni, hnathawktute chawlhhahdam hun tlem lutuk leh danin humhalhna mumal tak a siam lo chu inenfiah a hun tawh a ni, tiin an sawi. Tin, sawiseltute chuan America economy tla chhe hret hret te, hnathawktuten chawlh hahdamna hun thawl an neih tamna ram thangchho zelte tarlangin, khawl ang maia America-a hnathawktute nunphung chu tihdanglam a hun tawh a ni, an ti.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E