CHAMPHAI-A SCHOOL, OFFICE LEH MIMAL THIL RUTU MAN A NI

13/08/2010 16:57

Champhai-a School, Office leh mimal thil tam tak rawktu Lalthangzuala (23) s/o Lalthlamuana, Champhai Vengsang chu nizan hmasa khan Maxi Cab, Tluangtea Travels Driver Lalhmunliana (Mahmuna) Aizawl Ramhlun North felna azarah man a ni ta.
   

AOC Manager Pu Dika hnen atanga thu kan dawn danin nizan hmasa dar 11 vel khan kan thenawm tlangval leng haw chuan kan Office kawta mi pakhat dinga kawngka kalhna a lo khawih lai a hmu a, a thawk tu emaw tiin a au a, mahse he pa hi a pilbo tak zauh avangin a ngaih a tha lova, Phone-in Pu Dika chu kaithoin "In office rawk tum an awm niin ka hria" a ti a,  kan han enchiang a, zunin lam tukverh atanga lutin Office chhung chu nasa takin alo suasam a, pawisa kir tura kan dahte chu a lo la fai vek tawh a, hetianga kawngka pui kalhna tih chhiat a tum chhan hi SAFE putchhuah a tum niin kan ring, a ti a. Kan thenawm tlangval hian In rawk tumtu pa hian kawr eng a ha a ni, tih min hrilh tel nghal a ni, a ti.
   

Hetia an buai lai hian Sumo pakhat Tluangtea Travels a rawn chho a, Driver Mahmuna hnenah thil awmzia lo hrilhin Champhai a pannaah kawr eng ha a hmuh chuan Phone a hrilh turin an chah ta a ni. Driver Mahmuna hnen atanga thu kan dawn danin Nikang pelh chhoh hnu, In fal bulah kawr eng ha chu kan hmu a, khawia kal tur nge a nih ka zawt a, Vengsang ah mitthi kan nei a, tlaivar ka tum a, helai velah hian Zu ka in a ni, a ti a. Driver chuan zan a rei tawh si a, keini pawh Vengsang ah kan kal dawn tho a, rawn chuang ve rawh, tiin a sawm a, he pa pawh hi a chuang ta nghal a ni. Driver hian a passenger te hnenah thil awmzia hrilh nghalin a laiah an chuantir a, an dawp ta a. JE Sanga (L) In bul, Electric enna laiah an dinpui a, AOC Manager Pu Lalrindika chu phonein an rawn thlen hnuah an check a, Pawisa a lo ah te chu AOC pawisa a ni tih an hre nghal a, an man ta a ni. Lalthangzuala hi AOC ah an hruai thla leh a, Police an ko a, Police te hian an la ta a ni.
   

Champhai Police hnen atanga thu kan dawn danin Lalthangzuala hian AOC atangin Rs. 5732 ala a, a vaiin kan hmu let leh a ni, an ti. Police hnena a inpuan danin Lalthangzuala hian hemi zan hian Jail Veng Biak In leh Primary School-ah a lut hmasa a, engmah lak tur a hmuh loh hnuah AOC Office hi a rawk ta tih a sawi a, tun hnaia Vengsang M/S, Roseland, Venglai M/S leh SDEO Office rawktu kha amah hi a ni tih Police hmaah hian a inpuang bawk.
   

Police te chuan tun hnaia thil bo chungchang hi chhui har an tih thu sawiin Lalthangzuala hi Vengsang mi nimahse an Inah a haw ngai lova, amah hi an la hre ngai lova, amah hi an la hre ngai bawk lo tih sawiin Champhai a a thil ruk te hi Aizawl-ah chhukpuiin a zu ti riral thin a, Hotel-ah a riak thin a, Champhaiah pawh Chhaktiang Hotel ah a riak thin a ni, an ti a. An rin loh lam daih atanga hetiang a misual man a ni ta hi an lawmthu sawiin thuzawhfiah atan Magistrate phalna in an la kawl mek thu an sawi bawk.

Thulakna: Champhai.net


Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E