Central YMA/ CADS an hlu

21/07/2010 15:58

- Tm-a , Mission Veng

Roreltute chu thil tha titu tan chuan hlauhawm an ni lova, thil tha lo titu tan erawh chuan hlauhawm an ni. (Rom 13:3)

Kan hotute hnung zuiin CYMA / CADS hmunpui, Tuikhuahtlangah ka han leng ve a, CYMA President, OB thenkhat leh CADS a thahnem ngaitu thenkhat ten min lo dawngsawng a, inkawm hona hun reilote kan nei a, an thawh tawh leh an thawh dante han hriat chuan a ropui ka ti hle mai. A chhan chu, an tana hlawkna awm si lovin hek zawk zela kan ram damna tura an thawhrimzia te ka han hriat ve nual vang a ni.

Mi thenkhat an tihsual changa chanchinbu leh TV lamahte a tha lo lam chhuah tuma lo hmanhlelte an awm ve reng bawk a, mi thil tih reng reng a tha lo lai in hmuhsak fo ai chuan a thalai in hmuhsak thiam hi a va tha em tih te min ngaihtuah tir lehzual. Ruihhlo te hi ram hrang hrang hian kan haw theuhva kan dova, do rem vek theih a ni lo tih chu tlang hriat a ni. Ram thenkhat phei chuan a zuar an man ngatte hi chu an tihlum fo mai tih pawh kan hria a, mahse chuti chung pawh chuan a rem thei chuang lo.

Amaherawhchu, a rem loh avanga tha thlah chi chu a ni chuang si lo. SRS han tawp leh tun inkar pawh hi a la rei lutuk lo, chutih chhung (thla khat chhung chauh) pawha an man chu cheng nuai sawm panga chuang man lai a ni hman! Heng zawng zawng hi man loh ni ta se, kan thalai engzat takin thih phahin piansual phah leh ang maw! 'A rapthlak turzia hi ka sawi thei lo' tih hla ang mai a ni ang. Heng CADS member-te ei chhiat dan te han hriat chuan an inpekna thukzia hi a mak tih mai loh chu sawi tur a awm lo. CYMA hruaitu engemaw zat hian englai pawhin an tawiawm reng bawk a, tlaivar an haw deuh chauhva, a then chu an la awm a, thenkhatin an rawn thlak mek bawk tih han hmuh leh hriatte chu a va thlamuan thlak em!

YMA te hnathawh ropuizia leh tamzia, kumin chhung maia an thiltih zawng zawng pawh ni lo, thil tha tam tak an tih te chu dah tha rih ila, chenna in nei lo leh chhe tawh an sak sak tawhte chauh pawh hian fak hreh tak chung pawhin fak an phu ka ti lo thei lo. Heti taka chanhai leh tanpui ngaite tana pawl thianghlim leh ngilnei hi, misual leh hnawksak tan chuan 'pawl hlauhawm' kan nih tel ngei pawh hi a tulin ka hria. Misula tana pawl hlauhawm kan nih te pawh puanzar hial ni se. Kan Pathian thu pawhin mi dik tan chuan roreltute hi hlauhawm an nih loh thu leh mi dik lo tan erawh hlauhawm an nih thu min hrilh ang hian: YMA leh CADS te pawh hi mi dik tan chuan pawl hlauhawm a ni ngai lova; misual, mi diklote tan erawh chuan pawl hlauhawm tak a ni reng tur niin a lang.

Dan leh thupek chu a awm reng, demna ni lovin a buaipuitu bik department te pawh an awm ve bawk. Hna pawh an thawk ve reng a, a man pawh an man ve thin. Mahse, kum khat chhunga an man leh CADS ten thla khat chhunga an man hi (ruihhlo bikah) a inthlau tam lo viau lo maw? Drug ti thinten doctor an tih hial khawpa an mahnihovin an inchiu tir thin pakhat chuan drug tih ching tawh reng reng chuan dawt sawi kan ching deuh vek a ti a, a dik pawh a rinawmin ka hria.

Chuvangin, CADS te thiltih ni awm taka an sawi te pawh hi chanchinbu leh TV lam pawh hian a chhuah loh lam te hian kan mi inpe te hi ruihhlo hi do pui ta ila a tangkai ngawtin a rinawm.

Thulakna: Vanglaini

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E