Central-in Mizoram sorkar kaltlang loa District Council sum pek dan ngaihtuah

06/09/2010 17:58

Chakma Autonomous District Council, Lai Autonomous District Council leh Mara Autonomous District Council-te chu sorkar laipuiin Mizoram sorkar kaltlang loa sum pek dan tur a ngaihtuah mek nia thu dawn a ni.

LADC Planning Board Chairman, Hmunhre sawi danin, sorkar laipui atanga Mizoram sorkar kaltlang loa sum an hmuh theih dan tur chungchangah hian Union Home Minister-in Mizoram Chief Secretary lehkha thawnin, he ruahmanna siam chungchanga Mizoram sorkarin sawi tur a neihte a zawt a; District Council-ten sawi tur an neih pawh a zawt tel bawk.

Autonomous District Council-te'n Mizoram sorkar kaltlang loa sum an hmuh theih dan tur hi LADC Chief Executive Member C Ngunlianchunga, MADC CEM, S Khipo leh CADC CEM, Kalikumar Tongchogya te leh, District Council pathuma hruaitu hlunte'n September 3 khan Lawngtlai-ah an sawiho a ni.

District Council pathum hruaitute chuan, sorkar laipui atanga direct-a sum hmuh chu hun rei tak atanga an dil tawh a nih thu te; tunah a tihhlawhtlin dan tur ngaihtuah mek a nih dan te; a ngaihtuahtu tur, Home Ministry-a Joint Secretary, Naveen Verma kaihhruaia Committee dinin thui tak a buaipui tawh thute an tarlang. An dilna anga sorkar laipuiin a buaipui mek chu lawm­awm an tih thu sawiin, an thil phût tihhlawhtlinna tur a nih avangin, sawi tur an nei ve loah an ngai tih an sawi bawk.

LADC, MADC leh CADC hruaitute inhmukhawm chuan, September 23- 4 chhunga Aizawla India President lo kal tur lo hmuh dan tur leh thil dil turte an sawiho bawk a; President hnena lo thlen an tum zingah hian, Autonomous District Council pathuma hnam hrang hrang pathumte aiawhtu tur, Rajya Sabha Member pakhat siam rawtna te, Army, Navy leh Air Force-a District Council pathuma hnam hrang hrang pathumte tana seat hauhsak dilnate a tel.

Thulakna: Vanglaini

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E