Boruak bawlhhlawh titlem zawnga hma la tha ber Mizoram

21/09/2010 00:06

Central Pollution Control Board (CPCB) chuan National Ambient Air Monitoring Programme (NAAMP) hnuaia environment tha siam tura hmalakna pakhat, boruak bawlhhlawh titlem zawnga thawk tha berah Mizoram Pollution Control Board (MPCB) a puang.

 

Boruak bawlhhlawh titlem zawnga hmalakna hi NAAMP hnuaiah kalpui niin, state/UT hrang hranga PCB ten an hmalakna report CPCB-a an thehluhte chu zirchian a nih hnu-ah an tihthat dan indawtin result a siam leh a, boruak bawlh-hlawh ven kawnga hma la tha ber hi Mizoram bakah Goa, Kerala leh Pondicherry te an ni.


Environment siamthat kawnga hnathawk tha tehna dang Forest chungchangah Mizoram PCB chuan 3-na a hauh bawk a, Climate Change chungchangah pangana niin, Water Pollution chungchangah 10-na a ni a, Wastes (bawlhhlawh) chungchangah erawh chuan 28-na a ni thung.


Tunhnai khan New Delhi-ah State hrang hranga PCB Chairman leh Member Secretary ten khawmpui neiin Mizoram atangin PCB Chairman Er Dunglena pawh a tel a. Hetah hian environment chung-changa hanthawk tha te puan a ni a. Category hrang hrang panga khaikhawmnaah Mizoram PCB chuan 5-na hauhin, pakhatna chu Uttarakhand a ni a, Himachal Pradesh, Chandigarh, Arunachal Pradesh leh Mizoram ten an dawt leh a ni.


Planning Commission chuan heng environment venhim leh siamtha tura hmalakna tehna hrang hrang a siamah hian a pumpuia titha zualte tan kum 2010-2011 chhungin lawmman (incentive) angin a tul anga an inhman sem tur cheng vaibelchhe 1849.84 a dah niin thudawnna chuan a sawi.


Hetih lai hian NPCB atangin Mizoram District tin leh Lengpui Airport-ah te boruak bawlhhlawh tehna High Volume Sampler (HVS) bun phalsak a ni a, a thawkhatna atan Aizawl, Lunglei, Champhai leh Kolasib district-ah te he khawl hi bun tum mek a ni a, Phase-I ah hian Lengpui Airport chu hmun pawimawh bik a nih avangin bun tum a ni bawk. District dangte chu Phase-II ah bun a ni dawn a ni.


MPCB Member Secretary C. Lalduhawma chuan he khawl HVS atan hian NPCB chuan tunhnai khan cheng nuai 29 sanction order a tichhuak tih a sawi a. HVS hian khawl dang - thli tleh dan leh ruahtui tlak dante thlenga tehna tur khawl a keng tel nghal tih a sawi bawk.

 

------------

 

Category tina 1-na hauhte
Air Pollition           Mizoram, Goa, Pondicherry & Kerala
Water Pollution     Himachal Pradesh
Forests                Uttarakhand
Wastes                Andaman & Nicobar Island

Thulakna: The Zozam Times

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E