All India Radio Lungleiin Kum 15 Tling

23/11/2010 07:47

Nimin khan All India Radio Lunglei chuan an Kum 15 na an Station chung zawlah an lawm a, sawm bikte nen chawhlui an kilho nghal.Kum 15 lawmna inkhawm hi K.Lalzarliana Staff Welfare Association President in a kaihruai a, Upa RK.Hmangaiha`n hunserh a hmang.

Lalzidinga Renthlei Head of Office AIR chuan thusawiin, ‘Hetiang hun hlimawm kan thleng thei hi kan lawm em em a, Pathian hruaina leh venna vang a ni, kan hotu hmasaten theihtawp an chhuah avangin vawiinah a Kum 15 na kan lawm thei hi a ropui a, he Station hian hma a sawn zel theih nan thurawn tha tak tak min petute hnenah lawmthu kan sawi a, thurawn min pe leh zel turin kan ngen che u a ni,’ a ti.

 K.Zathuama Serkawn chuan Special Item hmuh-nawm tak a entir a, kal-khawmten an hlimpui hle.

F.Vanlalpeki Ex.An-nouncer chuan zaiin kal-khawmte a awi a, a duh apiang thusawi hun hawn a ni a, mi eng emawzatin an sawi.Mazuii leh a thiante Lunglawnin Special Item an entir bawk.

 Robert Lalengliana Ex.Announcer a zai a, R.Vanlalthiana Ex.Kan Darthlalangin Special Item a buatsaih bawk a, nuih a za tlang hlawm hle.

Lala Khawbung AIR Lungleia Programme Officer lo awm thar chuan hneh tak leh thiam takin lawmthu a sawi a, inkhawm tihtawp a ni.

AIR Lunglei Station Kum 15 lawmnaah hian mi 60 vel an kalkhawm a, Lunglei Media 8 vel an tel bawk.Vawk pa lian tak an talh chu kalkhawmten tlai leh puar takin an ei.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E