ACB-ten ex-CM in an dap

16/09/2010 23:38

Chief Minister hlui, Pu Zoramthanga chu a sum lakluh leh a thil neih inmil lova puhna avanga PRISM-in an hêkna kal zelah vawiin khan Anti-Corruption Bureau-ten a chenna in, Ramhlun Venglaia mi chu an dap a, Safe chhunga pawisafai, Account Book te leh LSC te an laksak.

Pu Zoramthanga chuan ACB te hian Special Judge hming sign awmna, Search Warrant kengin a in an dap tih sawiin, an dap chhan chu kum 1998 a\anga 2003 chhunga a hlawh leh kum 2003 inthlan dawna a thil neih hlut zawng ziaka a puanna (Assets Declaration)-a ` Nuai 48 a ziah chu a inmil love tia PRISM-in an hêkna kalzel vang a ni a ti a, Aii Puk chungchang pawh an hêknaah hian a tel nia a hriat thu a sawi bawk a, Politics lama inbeihna a ni thei em tih zawhna chhângin, Sawrkar tharah ACB leh Vigilance lamin an rawn chhui zui a, Criminal Case pek tur a nih thu min hrilh ta a ni a ti a, Chief Minister hmasa te Criminal Case pek hi Chief Minister remtihna tel lo chuan tih ngai pawh a ni lova, chuvangin Chief Minister phalna ngeiin a in an dap nia a hriat thu a sawi a, kum 10 chhung sawrkarna an chan lai khan hetiang hi an tih duhloh thil a ni tih a sawi lang bawk.

Pu Zoramthanga chuan he thil thleng chungchangah hian engmah hlauhthawn tur a neih loh thu a sawi a, kum 24 chhunga a ro lakkhawm kum 5 chhunga a hlawh nena hmeh rem an tum dawn a nih chuan inmil ngaihna a awmlo a ni a ti bawk.

Thulakna: Zothlifim

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E