2011 Japan Lirnghing, Tsunami Tuifawn leh A Nghawng Chu $309 Billions A Ni Thei
11/3/11 Japan lirnghing leh Tsunami tuifawn vanga chhiatna zawng zawng belhkhawm chu U.S. dollar tluklehdingawn 309 ($309 billions = £189 billions = 25 trillion yen) a tlin theih thu ni 23 March 2011, Nilaini khan Japan chuan a sawi.
Ni 21 March 2011 World Bank thuchhuak chuan 2011 Japan chhiatna hrang hran siam that lehna hun atan kum 5 zet Japan-in beihpui a thlak a tul tur thu a tarlang!
Japan lirnghing leh Tsunami avang hian Asia ram tam takah, insumdawn tawnna – a bik takin automobile, electronics leh tangka vir vel harsatna, hun rei vak lo chhung a thlen tur thu, World Bank chuan a tarlang bawk.
Ni 23 March 2011, Nilaini thlenga Japan lirnghing avanga thi zat chu mi 9,079 an tlin tawh thu leh mi 12,645 an la bo thu, Japan's National Police Agency chuan a tarlang.
2011 Japan lirnghing leh a nghawng hi mihring siam chawp ni lo, leilung her vel atanga chhiatna thleng tawh zingah senso hautak ber tur a ni.
